අහිමි සෙනෙහස
"දූ ඇයි මේ....අනේ ළමයො කතා කරන්නකෝ...මාව බය නොකර..."
"ඕඕඕක්...ඕඕඕක්ක්..."
"අනේ සුදු මැණිකෙ...මොකෝ මේ....අද මේ කොල්ල උදේම වැඩට ගියානෙ අනේ...ෆෝන් එකත් වැඩ නෑ...වාඩි වෙන්න දුවේ...මම එහා ගෙදර පොඩි මල්ලිට කතා කරන්නම්..මොකෝ වාහන තිබ්බට අපිට අරන් යන්න පුලුවනෑ..."
අම්මා හොඳටම කලබල උනේ ගිත්මිට හිටපු ගමන් උදේම වමනෙ යන්න පටන්ගත්ත නිසා...
"අම්මා....."
ගිත්මිට දැනුනෙ මුලු ලෝකෙම කැරකැවෙනවා වගේ...එක පාරටම හැම දේම නිලංකාරවෙලා යද්දි ගිත්මිට මතක අම්මා අල්ලා ගන්නවා වගේ...
.................
"පීක්ක්ක්...පීක්ක්ක්...පීක්ක්ක්...."
කැරකෙන සිවිලිම් ෆෑන් එකේ තටු එකිනෙක් පැහැදිලි වෙද්දි ගීත්මි අහුනෙ නුපුරුදු ශබ්දයක්...අතට දැනුන සියුම් වේදනාවත් එක්ක ගීත්මි වට පිට බැලුවා...ඇදවල් පේළියක රෝගීන් දකිද්දි ගීත්මිට හැමදේම මතක් උනා..
"අම්මා...."
"ඉන්න....අම්මට කතා කරන්නම් මම...."
කරුණාවන්ත හෙදියකගේ හඩ ඇසෙද්දි ගීත්මි නැවතත් දෑස් පියා ගත්තා..
"අම්මා...."
"සුදු දූ...."
"සුදු අයියා ...."
"හරි මැණික අයියා එයි...."
.......................
"මොකෝ මේ අම්මයි දුවයි....?"
ඩොක්ටර් ආවෙ සිනාමුසු මුහුණින්...
"මේ අම්මද...?"
"ඔව් ඩොක්ටර් ...අයියගෙ අම්මා..."
"ඒ කියන්නෙ නැන්දා අම්මා...??"
"ම්ම්ම්"
"ඔන්න අම්මෙ ලේලි මුණුබුරෙක් ගේන්නයි යන්නෙ..."
"අනේ රත්තරන් ...දෙයියන්ගෙම පිහිටයි.."
"ඔයාට අසනීපයක් නෑ...බය වෙන්න එපා..හොදට කාලා බීල සතුටින් ඉන්න ......ගිහින් මහන්සි වෙන්න එපා මේ දවස් ටිකේ..."
"හරි ඩොක්ටර් ..."
ගීත්මි කියුවෙ දහසක් මල් හිතේ පිපෙද්දි..
...................................
"අම්මා සුදු අයියට දැම්ම කියන්න එපා.මම හවස පන්සල් ගිහින්ම කියන්නම්.."
"හා පුතේ..."
...................................
"අනේ මන්දා සුදු නෝනා .ඔයා හරිම මුරණ්ඩුයි...අම්මා කෝල් කරද්දි මම ගොඩක් බය උනා.ඒ මදිවට අසනීප තියන් පන්සල් එන්න ඕනි කියලාඅ කෑ ගැහුවා....අපෙ අම්මත් මෙයාගෙ පදේටම නටනවනෙ..."
"ශ්ශ්...සුදු අයියා මේ පන්සල...කෑ ගහන්න එපා..."
කෙල්ල හිනා වෙවී කියද්දි මදූකටත් හිනා.
සුදු සැහැල්ලු ගවුමට නාලා කඩලා දාපු කොණ්ඩෙ ඒ මූන වෙනදට වඩා පින් පාට කරලා කියලා මදූකට හිතුනා.
පන්සලට ආවම නිවී සැනසිල්ලෙ බුදුන් වදින එක පුරුද්දක් කියලා දන්න නිසා මදූක වැදලා නැගිටින්න හැදුවෙ පුරුද්දට වගේ බෝ මළුව පැත්තටයන්න .වෙනදා කෙල්ලට නිදහසේ වදින්න දීලා කොල්ලා එහෙම යනවා.
"එපා...මා ලගින්ම ඉන්න..."
කෙල්ල කියුව විදිහට කොල්ලට දුක හිතුනා.මටත් පිස්සු උදේ කලන්තෙ හැදුන කෙල්ල ට්ගනියම දාලා යන්න... කොල්ලා තමන්ටම හිතින් දොස් පවරා ගත්තා .
"සුදු අයියෙ "
"ම්ම්ම්"
"මට ලොකු කතාවක් කියන්න තියනවා..මගෙ තාත්තා ගැන."
"සුදු නෝනා...ඇයි මේ...මතකද මුල් කාලෙ තාත්තා ගැන අහද්දි ඔයා කියුවා...ඒක ගැනනම් අහන්න එපා කියලා...ඒත් අද ඇයි මේ..."
"නෑ ...මට හැම දේම කියන්න ඕනි..."
"කියන්න සුදු නංගි...ඔයා කියන ඕනි දෙයක් මම අහගෙන ඉන්නෙ..."
"දන්නවද සුදු අයියා......මගෙ තාත්තා...මට තාමත් මතකයි...එයා උස මහත කඩවසම් කෙනෙක්...එයාගෙ උඩු රැවුල හරිම ගාම්භීරයි..."
"එයා හවසට ගෙදර එනකොට මාව උස්සලා කරෙන් තියා ගත්තා..මට තාම මතකයි හීනෙනෙ වගේ...එයා මට කියුවෙ සුදු අම්මි කියලා..."
කෙල්ලගෙ තරු ඇස් කදුලු පිරෙනවා දැක්කත් වෙනදා වගේ කොල්ලා ඒවා පිහදාන්න නොගියෙ කෙල්ල ලොකු කතාවක් කියන බව දැනුන නිසා..
මම මොන්ටිසෝරි යද්දි මට මතකයි තාත්තා අම්මා එක්ක රණ්ඩු වෙනවා...අම්මා හැමදාම අඩනවා..
"අන්තිමට..."
"අන්තිමට තාත්තා ගෙදර එන එක අඩු උනා.."
"අම්මයි මායි දෙන්නම ගියා තාත්තගෙ ඔෆිස් එක ලගට...අපි ගිහින් පැය ගනන් රස්තියාදු වෙනකොට තාත්තා කීයක් හරි ගෙනත් අම්මගෙ අතට දීලා යනවා.."
"මුකුත් නොතේරෙන මම පැය ගනන් බලා ඉන්නෙ තාත්තා ඇවිත් මාව කරේ තියා ගන්නකම්..ඒත් එයා මා දිහා බැලුවෙවත් නෑ..."
කෙල්ල ඉකිගහද්දි මදූක ඇයව තම උරහිසට වාරු කර ගත්තා..
"ඊට පස්සෙ තාත්තා ගෙදර නෑවිත්ම ගියා සුදු අයියෙ ...ඊට පස්සෙ තමයි අපේ ජීවිත අපායක් උනේ.."
"අම්මා හරියට දුක් වින්දා...ගොඩාක්.එයා මාව හදා ගන්න නොකරපු රස්සාවක් නෑ..."
"ඒත් එයා එකපාරටම අසනීප උනා..ඒකෙන් ප්රයෝජන ගත්තෙ වටේ උන්නු නෑදෑයො...එයාලා තරුණ වයසට ලන් වෙලාවත් නැති මට කසාද යෝජනා ගෙනාවා.."
"අපේ පවුලට සල්ලි බාගෙන් උදවු කලා...අම්මගෙ අසනීපෙට විතරක් නෙමෙයි..කන්න බොන්න ඉගන ගන්න පවා..."
"ඒත් එයාලා මගෙන් ඊට වඩා ගොඩක් වටින මගෙ ජීවිතේ බලාපොරොත්තු උනා..මාමගෙ ලොකු පුතා කීප වරක්ම මට කරදර කරන්න හැදුවා..පෙර වාසනාවකට මාව බේරුනා ..."
"අනේ මැණික ඔයා අසනීපෙන් ඔහොම අඩන්න බෑ ඔයාට..."
මදූක කියුවෙ කෙල්ලගෙ කදුල දරා ගන්න බැරුව..
"ඔයා දන්නවද...පවුලෙ නෑදෑයින්ගෙ ලමයි මාව කොන් කල..
එයාලා කියුවෙ මම ජීවත් වෙන්නෙ අනුන්ගෙන් කාලා කියලා..."
"එයාලා හිතුවෙ එයාලගෙ සල්ලි උඩ මමයි අම්මයි එයාලට බැල මෙහෙවරකම් කරන්න ඕනි කියලා...අපි සෑහෙන්න දුක් වින්දා..බැනුම් ඇහුවා නින්දා ඇහුවා..."
"හරි මැණික ඇයි මේ පරණ කතා...??"
"අහන්න සුදු අයියෙ ...මට කියන්න ඕනි..."
"කියන්න මැණික...අඩන්නැතුව...ප්ලීස්..."
"ගමේ මිනිස්සු කියලත් වෙනසක් නෑ...තාත්තෙක් නැති දුවෙක්ට මේ සමාජෙ ජීවත් වෙන්න අමාරුයි අයියෙ ...තාත්තා කියන්නෙ පවුලෙ හයිය...එයා දාලා ගියා කියුවම මිනිසු බලන්නෙ වපර ඇහෙන්..
"ඒ මිනිස්සු උදවු කරන මානෙන් අපේ ජීවිත බිලි ගන්න බලාගෙන ඉන්නෙ..."
"මගෙ අම්මට පින් සිද්ද වෙන්න අම්මා මාව පරිස්සම් කලා..ඒක නිසා අද මම ඔයා ලග ඉන්නවා රත්තරන්..."
"තාත්තෙක් නැතුව දරුවෙක්ට හැදෙන්න ගොඩක් අමාරුයි සුදු අයියෙ ...
"තාත්තෙක්ගෙ ආදරය, ආරක්ෂාව ,දරුවෙක්ට කොයි තරම් වැදගත්ද කියලා දන්නෙ තාත්තා නැති දරුවෙක් විතරයි සුදු අයියෙ ..."
"තාත්තා මැරුණොත් හිත හදා ගන්න පුලුවන්..ඒත් දාලා ගියොත්..."
"අනේ රත්තරන් ඔය හොදටම ඇති.ඔයා මා ලගට ආපු දවසෙ ඉදල මම ඔයාව තාත්තෙක් වගේ බලා ගත්තා නේද...කිසිම අඩුවක් කලාද..?"
කොල්ලා කියුවෙ අඩන ගමන්..කෙල්ලගෙ මේ වෙනස කොල්ලවත් හොදටම හෙම්බත් කරලයි තිබුනෙ..
"සුදු අයියෙ ...මට පොරොන්දු වෙන්න්න..."
"මොකක්ද...??"
"කවදාවත් දරුවන්ට දුකක් දෙන්නෙ නෑ කියලා...අපෙ.."
"මොනාද මැණික මේ කියන්නෙ...අපිට දරුවො ලැබුන කාලෙක මම ඔයාලව ඇස් දෙක වගේ බලා ගන්නවා.."
"එහෙනම් මම ඔයාට රහසක් කියන්නද...?"
"මොකක්ද...??"
"මගෙ සුදු අයියත් තාත්තා කෙනෙක් වෙන්න යන්නෙ..."
"අනේ මැණික...ඕකද මෙච්චර දේවල් කියෙව්වෙ...අනේ ....මගෙ මෝඩි..."
"මම මගේ පැටියවයි මගෙ මැණිකවයි බලා ගන්නවා ඇස් දෙක වගේ...මේ බුදු සාදු ඉස්සරහා පොරොන්දු වෙනවා මැණික ..."
මදූක ගීත්මිව තුරුල් කර ගත්තෙ ගොඩක් ආදරෙන්න්..
........................
කතාව ඇතුලෙ ඒ තරම් දෙයක් නැතිව ඇති.ඒත් මේකේ ගීත්මි ඇත්තම කෙනෙක්.අද සමාජෙ ගොඩක් ඩිවෝස් වෙනවා..පිරිමි ගෑණු අයව රවට්ටලා දරුවො දීලා පැනලා යනවා.. කසාදෙ අත් ඇරලා වෙන අයව බදිනවා..ඒත් ටිකක් හිතන්න...ඔයාගෙ දුවත් ඒ වගේ වංචාකාරෙකුට අහු උනොත්...එයාට තාත්තෙක්ගෙ ආදරේ අම්මට පූර්ණ කරන්න පුලුවන්ද..?එයාට තාත්තෙකගෙ ආරක්ෂාව කාටද දෙන්න පුලුවන්...සමාජෙ අනිත් ලමයි තාත්තා ගැන කතා වෙනකොට මේ ලමයි සමාජය ඇතුලෙ කොයි තරම් අසරණ වෙනවද??තමන්ගෙ ලෙයින් උපන් දරුවෙක්ව ඒ තරම් අසරණ කිරීම පිරිමි කමටත් නිගාවක්..
ආදරණීය අයියේ, මල්ලි මේ ඔයාලට ...ටිකක් හිතන්න...ආදරේ කරන්න කලින්, කසාද බදින්න කලින්...උපදින්න ඉන්න දරුවන්ට විදවන්න ඉඩ තියන්න එපා..