ගෑණු හරි පුදුමයි

ගෑණු හරි පුදුමයි

ගෑණියෙකුට ජීවත් වෙන්න ආදරණීය හුස්මක් ඇති...
ඒකයි ගෑණු පිරිමියෙක්ගෙ එක ආදරණීය බැල්මකට...
එක වචනෙකට වහා වැටිලා ....
ඒ මත්තෙම පොර බදන්නෙ...
ඒ මත්තෙම නැහෙන්නෙ...

එකම එක බලාපොරොත්තුවකට, එක පොරොන්දුවකට පුළුවන්..
ගෑණියෙක්ගෙ මුළු ආත්මෙම ලියා ගන්න...
අන්න ඒකයි ගොඩක් ගෑණු පිරිමින්ගෙ ආදර කතා ලග දපනෙ වැටෙන්නෙ...
අන්න ඒකයි තමන් ආදරේ කරන පිරිමියා ලග ගෑණු දෙපාරක් නොහිතා නිරුවත් වෙන්නෙ...
ගොඩක් ගෑණු ජීවිතේ වරද්දා ගන්නෙ..

තමන් ආදරේ කරන පිරිමියගෙ ලේ බිංදුවක් බඩ ඇතුලෙ තියාගෙන...
මාස ගාණක් දුක් විදිනනෙ
දරන්නට නොහැකි මහා වේදනා ගොඩක් මැද්දෙ තමන්ගෙ ලේ වලට කැවුනු පිරිමියගෙ ලේ කැටියෙක් මේ ලෝකෙට ගේන්නෙ...

එහෙව් කැප කිරිම් කරපු ගෑණියෙක්ට
තමන් මහා මෙරක් ආදරේ කරන පිරිමියගෙ දාඩිය සුවඳයි, තමන්ගෙ දරු පැටියගෙ කිරි සුවඳයි තමන්ගෙ ලග තියා ගන්න...
කරන්න බැරි මොන කැප කිරීමද...

ලේ වලට ලේ වලින් බැඳිලා...
ගෑණු තමන්ගෙ පවුල මත්තෙම නහින්නෙ අන්න ඒක නිසා...

ආදරණීය පිරිමියෙක්ගෙ ආදරණීය උණුහුමයි....
ඒ කිරි සුවඳයි හොදටෝම ඇති...
ගෑණියෙක්ට ජීවිතේ ඉතිරියත්
සින්නකරම ලියන්න...
තමන්ගෙ පවුලට...
ලේ වලින්ම...

අහින්සා පැහැසරණි
2019.06.12

Share