ගෑණුහිත්

ගෑණුහිත්

කොයි ගෑණු හිතද අකමැති..
තමන් අසීමාන්තිකව ආදරේ කරන පිරිමියගෙ ඇස් වලට එඹිලා බලන් ඉන්න...

ආදරේ දැනුන මුල් කාලෙ...
ලැජ්ජාවට බිම බැලුනට...
ආදරේ දැනෙන්න දැන්නෙන්න කෙල්ලට පුළුවන් ඒ ඇස් අස්සටම කිමිදිලා ආදරේ හොයන්න...
ඇස් අස්සෙන් හදවතට එඹිලා ඒ හදවත කියවන්න...

ඇස් කියන්නෙ ආදරේ දැනෙන තවත් විදිහක්...
ඇස් වලට පුළුවන් හිනාවෙන්න...
ඒ වගේම ඉකි ගගහා අඩන්න...
ඒ මොන දෙ උනත් තමන්ගෙ ආදරේ කරන පිරිමියගෙ බෙල්ල වටෙ අත් දෙක ඔතාගෙන ඒ ඇස් කියවන්න නිමේෂයක්...
ඒක හීනයක්...

ඒ ආදරේ දරන්නම බැරුව ලාවට ඇස් පියන් වැහෙනකොට...
දැනෙන සියුම් ස්පර්ශයකට පුළුවන් ආදරේ හිනි පෙත්තටම නගින්න..
මිදෙන්නට ලෝභ ඒ වගෙ නිමේෂයක...
තොල් පෙති ලගටම ලං වෙනකොට...
බෙල්ල අතෑරලා පැනලා දුවන්න...

ඈතකටම නෙමෙයි...

එහෙම දුවද්දි ඒ දරදඩු අත් වලටම ආයෙත් හිර වෙලා ....
බලහත්කාරෙන් දෙන සිපුමක ආදරේ විදගන්න...

ඒ දරදඩු කම් ගාව ගෑණු හිත් බොළඳයි...
ඒකයි තවත් හුරතල් වෙන්නෙ...
හති වැටෙනකම් ලැබෙන සිපුමක්...
සීමා මායිම් නැතුව විදගන්න..
ගෑණු හිත් ආසයි ඒ පපුව උඩම හති අරින්න..
කිව්වට මොකද...
ඒ පපුව උඩම නින්ද යනවට...

ඊටත් වඩා ගෑණු ආසම ඒ පපුව උඩම ඇහැරෙනවට...
ඒ උණුහුමට තව තවත් තුරුල් වෙන්න..

එක හිතින් ආදරේ කරන ඕනිම ගෑණියෙක්ට පුළුවන්...
මන් ඔය උඩින් කියපු කාරණා වෙනුවෙන් මරාගෙන මැරෙන්න...

නැත්නම්...
ඒ පිරිමි පපුවෙ සැනසීම වෙනුවෙන් තමන්ගෙ
ආත්මෙම මරාගෙන ඒ ඇස් දෙක අතාරින්න...

එහෙම ගෑණු එමටයි...
හැබැයි හරි එක හොයා ගන්න අමාරුයි...

අහින්සා පැහැසරණි
2019.06.26

<!- start disable copy paste --> </!->

Share